若琪辣妹隨時出椒

無辣不歡的歌手若琪，對辣的瘋狂程度絕對無人能及！若琪說：「我會隨時帶定青檸同指天椒喺身，咁去邊食嘢都可以整泰式辣醬，點落魚生度又好味啲，我又可以瘦啲！如果嗰日身上冇辣椒，就唔會去食魚生，因為唔鍾意wasabi陣味。」

食辣已到達人級數的若琪，連公司同事都怕咗佢，她說：「我哋如果公司食飯，會畀我揀一樣辣嘢先，怕我冇嘢食，因為我真係食得好辣好辣！依家每個朋友去旅行，都會搵唔同特色嘅辣椒畀我，而我每去到一個地方，都會第一時間去超級市場搵唔同特色嘅辣椒油。」