Yumi不勝其煩 火滾嗌報警！
o靚模尹蓁晞（Yumi）怒撇周秀娜舊愛陳偉成（Avis），疑有人愛借女友做宣傳，更愛使女人錢，Yumi大爆Avis做了很多令人討厭的事，更不斷騷擾她，她考慮全面封鎖Avis，如Avis行為過分，更不排除報警。而Yumi昨日凌晨返港，Avis只在機場做「柱男」，不敢現身。
本報獨家踢爆周秀娜舊愛陳偉成跟尹蓁晞年半情玩完，昨日凌晨Yumi由馬尼拉工作返港，Yumi知道Avis在機場「埋伏」，只冷笑說：「叫佢返屋企，離開呢度！」揚言箍煲的Avis卻躲到到指示牌及圓柱後，眼見Yumi離去時呆企說：「目送佢安全就得，唔想搞大件事。」
暗示孤寒乜都AA制
據知Yumi決絕分手，皆因有人欠風度，屋租、旅行、食飯女方都要夾一半，買日用品的錢又走數，連一包紙巾錢都計，更經常借女友做宣傳。
Yumi謂不想再被利用：「佢有心嘅，唔使叫記者嚟（指機場）。」Yumi強調分手與第三者無關，主要是性格不合。Avis就心灰說：「我長期做錯嘢，一出世就不停做錯！」他否認找記者到機場，對上載Yumi韓籍男友人相片上網，又懷疑Yumi劈腿，他坦言是一時之氣。
Yumi離開機場後乘的士返將軍澳寓所，落車時付千元紙幣，因司機一度沒法找贖而向記者求救。Avis離開機場後則到九龍灣找友人飲酒訴心聲，期間眼紅紅似想喊。
而Yumi昨出席活動時，指Avis思想不成熟，並已非首次分手：「佢成日做令我討厭嘅事，做好多嘢騷擾我同我啲朋友，好想封鎖佢，如果佢有進一步再過分嘅行動，我會報警。」曾被指與Avis秘密拍拖的蕊蕊昨在社交網暗寸對方識利用人。
文：音樂組