阿B范姜婚禮 淚傾峇里

《東網》ontv特派追蹤部隊親赴印尼峇里島的Alila Villas Uluwatu六星級酒店，攀山涉水直擊鍾鎮濤（阿B）和范姜本周一的「8．25」千萬豪華婚禮。婚禮為二人17年愛情長跑畫上完美句號，二人的圈中好友譚詠麟、曾志偉、關之琳、梁家輝、張家輝、張學友、杜德偉、邱淑貞等均畀面出席，巨星雲集。

當日下午約1時半，阿B以「白馬王子」Look與身穿古典高雅婚紗的范姜行禮，令場內見證二人多年感情的好友難忍淚水。下午約四時行完禮後，阿B向《東網》大爆率先哽咽的是證婚人之一的關之琳：「關之琳係第一個喊，新娘見到佢喊就忍唔住喊，我見到新娘喊就喊埋一份，所以我覺得我係第三個喊。但我一擰轉面，就見到鼻都紅晒、滿面熱淚嘅鍾懿同志偉。」眼淚隨即極速感染全場，賓客紛紛送上閃着淚光的祝福。

鍾鎮濤與范姜宣誓時情深對望，浪漫感人。

多位巨星抵達峇里戥一對新人開心，令現場星光閃爍。

拍婚照滿足女兒

阿B又向《東網》大爆：「搞呢個婚禮其中一個意思，係因為鍾懿話個個同學屋企都有結婚相，但我冇，所以我就搞吓，一路搞一路搞，原來係一件好開心好開心嘅事。」阿B透露為婚禮錄了四首歌，女兒鍾懿亦有份唱，而范姜的頭紗則由大女鍾嘉晴設計。晚上約9時半，婚宴場內大放煙花，場面浪漫感人。

譚詠麟與關之琳擔任婚禮的證婚人。

邱淑貞女兒沈晨（右）與鍾幗在派對中唱歌娛賓。

文：專案組　

攝：秦健輝