莊思明自認多人追

藝人莊思明、混血女模Alice B.和童星楊鎧凝（Celine）昨日出席「apm中秋紙雕藝術燈籠展」，當中莊思明以低胸造型亮相，搶盡鏡頭。思明表示中秋將與家人在港度過，問到會否陪男友？她說：「點解你哋成日話我有男朋友？（陳司翰？）唔講呢啲。（依家單身？）依家生活好開心，私人嘢唔講。（想人追？）我都有好多人追，你哋成日覺得我冇！（有冇應約？）專注工作先，唔想啲人覺得我淨係講感情唔留意工作。（多緋聞先多工作？）唔會對我特別好，只會感覺上好心散。」