官恩娜街頭遇襲 玉手捱打
歌手官恩娜（Ella）前晚出席馬來西亞歌手李佳薇新碟分享會。曾遭男歌迷衝上台「強吻」的Ella，自爆日前又發生「騎呢事」，當街當巷被一名疑似情緒有問題女子突襲，擋去路之餘更猛力拍打其手，導致手機飛落地。
反拍對方作證據
Ella憶述過程時，猶有餘悸說：「先擋住唔畀我行，我冇理佢，照睇手機一陣去嘅地方地址，我見佢係咁影我相，咪問佢仲咩嘢，佢就一手打落我隻手度，成部手機跌落地下。」隨即笑指自己於惶恐中，亦有反拍對方：「我有話佢有冇搞錯打人，當時我成個人震晒。（冇人救你？）有個地舖老闆娘想走出嚟幫我。」
怕被話網上欺凌
問到為何不報警？Ella說：「有諗過，後尾都係快啲走算喇。（公開條片？）唔會喇，咁公開唔係太好，怕被人話網上欺凌。」而首次來港宣傳的佳薇透露早前報考了一個英國聲音考試，最終取得98分，令她非常意外。
文：音樂組