AGA創作隨心sing途無憂！
現今唱片市道不景氣，難免令部分歌手氣餒，甚至萌生退意，但這邊廂創作歌手江海迦（AGA）毅然選擇入行，只因她享受音樂、愛唱歌、愛表演，並坦言自己天生屬於娛樂圈，而問到未來如何打算，她回答：「Who cares？」
由空姐和幕後音樂人轉型成歌手，AGA坦言自己冇得揀：「其實我係一個有計劃嘅人，所以當初我選擇入行時，有好多人都好surprise。但音樂係我嘅生命同passion（熱情），而且我深信天生我才必有用，我係擅長音樂，所以當然選擇入行，然後每一日都可以做自己熱愛嘅音樂，其他事情who cares？」
分享感動事
對於一位音樂創作人來說，腦海裏的天秤永遠都是商業考慮和自我風格的拉鋸，AGA如何面對呢？「我剛學作曲時，我都會想做一啲最特別、最唔同嘅音樂，但後來我發現要做獨特嘅音樂風格唔難，但我創作音樂嘅初衷係分享故事同埋傳達一啲訊息，所以我唔會做一啲故作深奧嘅音樂。對我嚟講，創作其實係寫低我嘅感覺，而唔係音符嘅計算。」AGA的音樂之所以動人，因為她在分享生命的故事，而當中的主角可以是我們任何一個人。
新曲談愛情
作為新人愛情本應是禁忌的話題，但AGA透過全新創作《一》大談對愛情的憧憬：「我首新歌《一》係解做only one，我相信每個人嘅生命中都會有一個唯一。」她坦言自己還在等待生命中的那個唯一：「好希望將來嘅佢係會理解同欣賞我做嘅工作，然後仲係我嘅soul mate，可以支持同埋同鼓勵我。」
攝：劉智源
髮型：Gary Sun@Le salon
場地：Coffee Studio 咖啡．作室
文：專案組