郭晉安濕到透街坊圍觀

郭晉安日前於深水埗拍劇，引來不少街坊圍觀，甚至驚動警方上前了解。拍攝當日氣溫相當高，安仔檢查西裝底下的恤衫時發現濕到透，最後更要躲進附近店舖免費歎冷氣。安仔透露今次飾演政界及娛樂界參半的角色，令他了解到區議員「原來好好pay」，他笑言：「入埋立法會可以拎十幾萬一個月o架！（想從政？）唔啱我性格，我唔慣同人爭執，就算好似囝囝升小學，我都帶佢去學校睇吓環境，等佢自己揀。」安仔更透露為有更多時間照顧囝囝，拍劇方面會減產。