Regen大懵佗B耍太極

藝人張惠雅（Regen）日前現身將軍澳電視城，為無綫劇集《潮拜武當》的角色試造型。Regen謂今次拍劇的造型上自由度非常大，她飾演一個25歲的「老模」：「好似以前拍劇嗰啲髮型呀，顏色呀，指甲嗰啲都因為角色而有好多規定，但今次做o靚模就可以好百變！而且仲會有啲性感造型例如露吓腰呀咁。」但大懵的她早前就劇集而去學習太極，原來因角色是孕婦的關係而沒有真正的打鬥場面，她笑謂：「主要講我成日偷雞唔練功呀，好奄奄尖尖呀，成日嫌武當山啲嘢好難食呀，比較港女嘅。」雖然打戲欠奉，但Regen亦笑謂要向朋友們請教如何飾演孕婦，誓要做足功課去演活角色。