孖孔令政出席放映會 姜皓文對公廁有陰影

香港新進導演孔令政（James）的新片《第七謊言》，早前在香港舉行兩場放映會，James說：「等咗咁耐終於可以返嚟香港放映，我好擔心香港觀眾接唔接受到戲中美國式嘅電影語言風格，第一場放映，觀眾早段反應都比較拘謹，入到戲肉好好多，黑色幽默位全場爆笑！第二場喺藝術中心放映，可能觀眾更加愛電影，更有心機鑽研我想表達嘅嘢，完場仲留低出席座談會，好踴躍發問，好感謝佢哋熱烈支持，希望到正式上映時（約11月）都繼續有好反應！」