娜姐對舊愛甩拖冇感覺

藝人周秀娜（娜姐）與蕭定一昨日出席活動，宣傳電影《千億惡魔愛上我》同名的手機遊戲程式。對於舊愛陳偉成與女友尹蓁晞分手一事，娜姐說：「哎呀，我唔知。（陳偉成被指冇內涵？）好難講呢啲。兩個人嘅感情事，好難由局外人去講，我同佢都咁耐啦，之後大家都冇聯絡。（你同佢一齊時佢有冇內涵？）嗰陣時我唔知呀，但大家都會成長。（男方被指博宣傳？）我真係局外人。（覺得可惜？）冇乜感覺。都係一句『君子絕交，不惡於聲（不出惡聲）』。」問到會否祝福陳偉成再搵到另一半，她說：「我祝福大家亦祝福自己。（與陳偉成翻撻？）冇諗。」而她的擇偶條件要找比自己成熟和夾的人。