Yumi搬竇 Avis呷錯醋箍煲
周秀娜舊愛陳偉成（Avis）因打翻醋埕，懷疑女友尹蓁晞（Yumi）有韓國小三，驚爆分手！身在馬尼拉開工的Yumi昨晚返港後，據知會返愛巢與Avis攤牌，並打算搬竇，從此各行各路，可是Avis昨日突然轉軚，承認自己疑心太重，揚言會盡努力箍煲！
Avis前晚突然在Instagram踢爆女友Yumi有「小三」，開晒名指一名韓國男模「In Hyuk Yeo」力追Yumi，坦言感到不爽，二人更不約而同發表分手宣言，只是Yumi堅稱分手原因絕無第三者出現，鬧爆Avis作古仔，身在馬尼拉開工的她前晚還留言叫Avis停止謾罵，強調自己是單身。
《東網》受訪非君不嫁
Yumi無名火起，已決心斬纜！據知她昨晚從馬尼拉回港後，便打算返將軍澳愛巢與Avis攤牌，並有意搬竇搵新居，實行各行各路。早前Yumi和Avis接受《東網》訪問，當時Yumi仍表示非君不嫁，但記者昨日致電Yumi，她表示已經對Avis死心：「之前都有諗過分手，因為佢真係太大細路，都冇時間陪我，只係佢氹番我就算啦！不過今次真係死心，冇理由屈我有小三，對我好唔公平，點氹都冇用！」
Yumi這樣決絕，Avis即時轉軚，記者致電他時，坦言希望箍煲：「只怪我疑心太重，依家先知個韓模係佢普通朋友，可能因為佢唔喺香港，溝通出題問題。佢返嚟一定會同佢講sorry，一定會氹番佢，大家真係有啲誤會！」
文：專案組