巫啟賢：驗毒唔使估嚟估去
歌手巫啟賢前晚擔任新城音樂會壓軸嘉賓，分別與泳兒及徒弟鄭俊弘合唱。對於藝人吸毒一事，巫啟賢直言：「係歪風，最近好流行淋冰挑戰，我提議不如藝人變去驗血證明冇吸毒，然後再Tag三個藝人去驗，咁大家唔使估嚟估去。」提到有傳「柯房」事件懷疑涉及北京女藝人洛詩，泳兒表示之前在電影宣傳見過面，但私下沒聯絡。
同場的衞蘭和JW被問到對巫啟賢提議藝人將淋冰水挑戰改為驗血證清白挑戰，JW說：「我覺得係要話畀人知呢樣嘢係唔健康，做唔做係好個人決定，而冰桶挑戰目的係想話畀人知個病係咩回事，但吸毒係好個人，係要對你自己負責，兩樣嘢唔可以放埋一齊講。」那可會驗血保清白？JW坦言：「唔會，因為你係Clear嘅唔需要咁澄清，就算冇都唔代表係壞人，對得住良心就OK。」
