婷婷潛水變凸眼金魚

昨日謝婷婷出席歐米茄Master Co-Axial機芯發布會，透露剛於菲律賓宿霧潛水回港，此行目的是為拍攝鯊魚慈善相集，為慈善不遺餘力的她，因要潛入水底而導致眼睛受傷，她說：「我要着住晚裝，而且冇得戴潛水鏡同氧氣筒，水壓加上啲水又污糟，令到我眼球凸晒出嚟，睇番錄影先知道，返嚟要睇醫生，依家要敷類固醇膜同食類固醇，有時對眼會好『乸』，好似着火咁灼熱；同行亦有人受唔到水壓隻耳流血，有啲上飛機就嘔，我要孭住三公斤嘅鉛落水，又唔夠氣，我覺得真係全世界最困難嘅事！」她表示這次拍攝工作，全由熱愛攝影的男友戴尚安操刀。