任達華捱義戲 Tony Jaa剃頭奔喪
藝人任達華（華哥）、古天樂（古仔）、余文樂（樂仔）、林子善及伍允龍等，前晚七時許陸續現身土瓜灣某酒店，出席林嶺東執導電影《迷城》煞科宴。古仔和樂仔均表示拍《迷》片並不辛苦，而子善則笑稱最喜歡畀人打，對於有指林導拍戲嚴謹，更喜歡用真刀真槍代替道具，他說：「林導又唔係咁癲喎，我同佢關係非常密切、夾到，非常開心。」
心理肉體受折磨
至於華哥指剛從泰國拍畢新片《殺破狼II》返港，提到泰國動作影星Tony Jaa早前回鄉奔喪，問到對方心情是否已平復？他說：「未呀，啲嘢都改咗，有少少影響拍攝進度，但大家都唔想嘅，希望佢心安定啲啦。（佢幾時返劇組？）我諗起碼三個月，但佢只係差少少戲份未拍啫。」
華哥又透露Tony Jaa父親過身要依傳統剃頭做和尚三個月，因此該片將停拍三個月。他又自言在《殺II》中有打鬥戲，更笑稱經常被折磨至死，問到《迷》片或是《殺II》受更多折磨？華哥笑謂：「林導係心理上嘅折磨，嗰個係肉體上嘅折磨，總之都係傷心。」他又恭喜好友吳京榮升爸爸。
另華哥昨日出席另一活動時，又透露同時拍攝《殺II》及《殺破狼III》，只收一部片酬的他每天工作十七、八小時，有否「過鐘補水」？他說：「錢唔係最重要，最重要係導演拍到一部好作品，作為演員應該要支持導演，唔好斤斤計較，我知好多人覺得我戇居！」
文：影視組