陳偉成Yumi年半情玩完
自去年與周秀娜分手後，髮型師陳偉成（Avis）旋即與身材Big爆的尹蓁晞（Yumi）打得火熱，可是二人拍拖不夠年半貨仔，Avis發現Yumi與韓國一名男模有「景轟」，決心分手！但身在馬尼拉開工的Yumi堅稱絕無小三，指Avis「亂講嘢！」
陳偉成跟娜姐分手後，跟Yumi愛得癡纏，二人更共賦同居，見晒家長，只差一紙婚書，可惜愛得轟烈換來都是一場空。Avis昨晚在Instagram上載一名韓國男模「In Hyuk Yeo」的照片，並暗示此人就是「小三」，導致他們分手。
Avis寫道：「原來公開戀情不代表全世界知道我和Yumi是情侶，這位大哥力追Yumi我點做好呢？我英文不太好，有人可以幫我跟他說聲嗎？」本報致電Avis，起初他不願回應分手一事，但當記者向他表示Yumi已承認分手，他才說：「係分手囉，都係呢兩日嘅事，我都唔想講太多！」是否因出現小三？他說：「我Instagram都講咗，你哋問番佢啦！分手原因唔想再提！」問會否復合？他說：「佢（Yumi）依家唔喺香港，等佢返嚟先算，大家要冷靜吓！」
Yumi：某人博新聞
記者致電Yumi，身在馬尼拉開工的她以短訊回覆，強調分手原因不存在小三問題：「是，已分手，他（Avis）說的韓國朋友純粹是普通朋友，我不想再被某人博新聞宣傳他自己，沒有內涵的男人我不想再聊！」她又說：「分手是昨天（前日）決定，我之前已經想分開了，只是我覺得大家不太適合，因性格不合，大家各自沒有第三者而分手。」談到如何認識韓模？Yumi說：「認識一段時間了，那個韓國男有女朋友，所以陳生亂講嘢！」實行隔空鬧爆Avis作古仔！
文：專案組