周秀娜喊驚曾失場

藝人周秀娜昨日出席「HUDSON for I.T派對」，她透露忙於排練舞台劇：「會同一班傷健人士合作，角色做番電影《分手100次》咖啡店老闆娘，第一次演舞台劇係由頭帶到尾。（邊演邊唱？）叫我唱歌，我諗我遲啲要搵鄭伊健教喎。」她坦言對演出感到壓力：「劇裏面我要用手語同其他演員溝通，因為佢哋係弱聽同弱視，但我仲未學手語，時間上有啲趕，希望執到生，因為對白都多。」她又自爆小學曾試過因太驚關係，臨時甩底沒有上台表演。