曾志偉「萬人迷」撼贏張曼玉
【蔡建輝峇里直擊】鍾鎮濤（阿B）與范姜在峇里完婚，眾星級賓客盡興而歸，昨日峇里機場更罕見出現「星海」，多位紅星現身機場準備回港，被在場粉絲重重包圍，曾志偉成功擊敗露黑Bra的張曼玉、周汶錡等女星，榮登萬人迷寶座！
阿B與范姜於峇里成婚，一連兩日宴請圈中星級嘉賓見證感動時刻。昨午約兩時，曾志偉、張曼玉、杜德偉夫婦、梁家輝一家、周汶錡與老公、羅志祥等賓客現身峇里機場準備返港，令機場出現一片「星海」，吸引粉絲包圍要求合照。志偉成為萬人迷，吸引最多粉絲埋身，連玩透黑Bra的張曼玉都非他敵手。志偉表示這次婚禮眾賓客都喜極而泣：「好開心，冇得頂，感動到喊，個個都有，未參加過咁特別嘅婚禮係仔女做見證，個個都好高興先會為B哥哥喊。」他指劉嘉玲因就不到期未能出席。
開心爆淚
玩透視誘惑的張曼玉甫見記者即左閃右避，杜德偉見狀即帶她去排隊，問她玩得開不開心？她說：「開心！」問她有否感動落淚？她不停點頭謂：「多謝！唔該晒！」隨後跟大隊離開。
有報道指阿B要求眾賓客自費買機票和出酒店錢往峇里，任證婚人的譚詠麟昨出席活動時默認說：「有乜所謂，參與得都係自己人，咁阿B雖然叫翻身啫，但仔細老婆嫩，仲要供書教學，邊有咁計，嚟參加都係一齊分享氣氛戥佢哋開心，啲人點寫唔需要理。」至於有指阿B嚴禁賓客將婚禮相片放上網，阿B透過短訊回覆：「唔使理啲報道，唔會回應。」而被指不轉酒店及放相上網「犯禁」的周汶錡則透過短訊回應說：「我作反。」
前晚張學友、張家輝和周麗淇率先返港，學友與家輝一同出閘，學友說：「成個婚禮好感動，祝佢哋幸福快樂。」他又透露阿B要求賓客不用送禮。而周麗淇亦指婚禮令人感動，對於羅志祥搶走花球，她笑言沒有失望。
文：音樂組