彭梓穎蠔放女 愛重口味

Super Gear成員彭梓穎（Cupid）雖然身形弗到漏，但她自言是「為食一族」，閒時最愛捐窿捐罅覓食，朋友介紹的蠔吧更成為她的指定飯堂。對於食生蠔，她笑言最愛「重口味」：「呢間蠔吧啲生蠔好新鮮，仲會因應唔同人口味揀番唔同地域嘅蠔畀你試，我就鍾意食重海水味而爽身嘅生蠔，仲有唔好太creamy。」除了生蠔外，Cupid亦大力推薦餐廳獨有的蠔shooter，她更一試愛上：「個蠔shooter加咗sake（日本清酒），起初唔係好敢試，怕酒味太濃，點知食落又唔係好烈，反而帶出蠔嘅鮮味，味道仲估唔到咁夾！」