藍奕邦恨有細路 隨時閃婚

電視劇金句「人生有幾多個十年？」，剛巧今年正正步入樂壇十年的歌手藍奕邦，日前接受《東網》《娛樂on Show》主持廖嘉輝（Look）的邀請，大談在音樂道路上的首個十年，藍奕邦坦言這十年的轉變很大，對音樂的態度亦有大不同的感受，他說：「以前我係出於一個抱負同埋使命感，係一個好憤怒同好多嘢想講嘅文藝青年。但依家好舒服，大家點睇我，點接收我，我冇所謂。我係由衷去做一件事，就係不急不躁，又或者係不慍不火，如果大家諗嘢唔一樣，我唔會逼大家。」

挑逗心上人

而藍奕邦身兼歌手、音樂人及創作人，主持人阿Look問到他最愛哪個身份？他說：「畢竟我做創作係最舒服，其實我係天生比較自閉，唔鍾意見人，但作為歌手我覺得係好事，因為佢係可以逼我唔好咁孤僻，逼我去學識點樣去同人相處。」

藍奕邦早前為新歌與火辣模特兒拍MV。

藍奕邦接受主持人Look專訪，談到幻想將來的家庭生活。

在新歌《愛我就吻我》中，是講述藍奕邦過去一年被挑逗及主動挑逗的經驗，而他又直言已經在感情上都比較愚蠢：「人哋對我有意思，我都唔係好清楚我會諗多咗，同埋唔係好冷靜。我寧願人哋直接講鍾意我，好過同我去玩暗示。」

有伴好重要

另外，藍奕邦又自爆有意成家立室，更不排除有閃婚的可能：「經過幾年屋企人離開之後，就會發覺有伴侶真係好重要，當你好病同唔如意嘅時間，有人喺身邊真係好緊要，我都好期望自己有小朋友。但我依家未ready，未可以做到一個爸爸。」想知道藍奕邦幻想十年的家庭生活，想知道他音樂上有更多的諗法？Click入ontv去片啦！

文：專案組　

髮型：Sam Pan ＠ La Mod Salon

服裝：izzue ＠ I.T　

場地：Shelter Italian Bar & Restaurant