陳志健疑撞邪夾爆手指

由張兆輝、中日混血女新人李梓宸、前港男陳志健（Otto）和邵音音等主演的電影《恐怖在線》即將上演，身為天主教徒的Otto坦言拍靈異題材電影要信邪，故入鄉隨俗開鏡前上香求心安。他透露每次憶起早前為無綫靈幻主題節目《Big　Boys　Club》做嘉賓時，都會不期然起雞皮。Otto更自爆開工第一晚便「撞邪」夾爆手流血不止：「有晚同音音姐拍嘢時，我哋喺個荒廢嘅地方開工，音音姐話見到有個影閃嚟閃去，我望真啲先知有fans嚟想睇拍嘢啫，起初都被嚇一嚇！（撞邪？）開工第一晚就夾爆手，流血不止唔算邪咩？之後打咗五支破傷風針真係痛死，仲冇咗塊肉添！」