鄭融心嗡促作交代

鄭融、藝人杜如風和前港男白健恩昨現身元朗出席活動，曾經養狗的鄭融，愛犬離開後便沒有再飼養寵物，她說：「冇時間照顧佢，得閒去朋友屋企玩吓狗。（男友有冇養？）冇，我都唔係同佢住啦！（怕再見到狗離開會傷心？）唔係，主要係冇時間，我一定係領養動物，生離死別一定會唔開心。」

做番好榜樣

談及港鐵發生撞死狗隻事件，鄭融坦言心噏：「睇完心情好複雜，點解會發生咁嘅事……希望佢下世投胎可以被善待。（覺唔覺得呢件事好嚴重？）好多漏洞，交代係要嘅，因為每一個市民都睇到，需要做番一個好榜樣，要負責任，咁嘅行為會影響好多嘢。」

鄭融（左）與杜如風同出席義賣活動。

左起：鄭融、杜如風及白健恩都是愛狗之人。

狗識講婆婆

杜如風則表示家中有兩隻已被母親寵壞了的愛犬，她說：「我媽咪係退休教師，所以係好煩好煩，佢成日同佢哋『上堂』，依家教到大嗰隻狗識講『婆婆』，仲寵壞到成日咬我添！」對於港鐵撞死狗，未看報道的她表示：「唔敢comment，唔知現場情況係點。（處理上有問題？）一定，我覺得香港成日發生咗事先檢討。」

文：名人組