馬嘉韻遇露體狂 腳震狂呼
現年18歲的無綫「世波女」馬嘉韻（Mars）擁有33C上圍，身材出眾，亮相節目《低俗講波團》後知名度大增，除在書展出寫真外，動漫節亦應手機遊戲商邀請協助宣傳，Mars坦言近期收入增加一倍。
沙灘畀人偷影
Mars近日以泳裝到沙灘拍專訪，上圍豐滿的她現身沙灘即吸引眾男士目光，大派冰淇淋。Mars說：「去沙灘成日都畀人撩，所以都唔係咁鍾意去沙灘，鍾意去遊船河多啲，喺沙灘有啲男仔會吹口哨撩我，亦都有試過畀人跟蹤，同埋畀人偷影泳衣相，但自己細個唔敢鬧佢。」
社交網被問價
Mars自言平日也愛着得性感，撞上變態佬的機會甚高，最激一次是碰上露體狂：「有次夜返屋企，畀個男人跟住，去到屋企樓下佢突然扯開自己件大褸露下體，當時嚇到大嗌，腳都震埋，好彩保安即刻衝出嚟嚇走咗個露體狂。」
惹火尤物Mars連在社交網站也不斷被騷擾，她說：「經常有啲唔知咩人嚟問價，會即刻Block咗佢，自己做model都賺到錢，唔會做呢啲嘢囉。」
採訪：影視組
攝影：司徒國榮
化妝：Feel So Cool makeup
髮型：Annie & Larry@IL Colpo（尖沙咀）