羅浩銘搏盡打 盼有代表作
現年31歲的功夫新星羅浩銘（Ken），入行六年以來做盡「黑幫」、「打手」等角色。別看他外表硬朗，實情鐵漢柔情，這位大男孩入行不但全為完成父子間心願，更希望拍到一套獲觀眾認同的代表作，談起入行經過時更不禁流下男兒淚！
14歲開始練拳的Ken擁有六舊腹肌，起飛腳、打空翻全部零難度。身手了得的他表示打拳已經成為自己生活中不可缺少的一部分。問到是甚麼驅使他成為「打男」，他透露全因一段父子情。Ken感慨表示，自小已經與爸爸睇動作片：「係我哋相處嘅橋樑，都係我哋兩仔爺最開心嘅時候。」
原本以當差作目標的Ken，卻於2007年因為患癌爸爸的一句說話，毅然走上動作演員這條路。Ken說：「當時佢病情好嚴重，我唔想離開佢，但佢就話『你喺度都幫我唔到，不如做個好嘅動作演員畀我睇啦！』」為了完成爸爸的心願，Ken決定回港發展，當時他亦對病危的爸爸承諾：「好，兩仔爺我應承你！」
以錢嘉樂為目標
入行六年，雖然Ken算不上大紅大紫，但依然全心全意向自己及爸爸的目標進發，而當Ken提起已經過身的爸爸時，他亦不禁眼濕濕。演藝之路一向不易走，但Ken亦無懼為目標搏到盡：「呢個係我應承爸爸要做到嘅最後一件事，所以呢個係我畢生嘅目標，我唔需要高片酬，淨係想拍到一啲大家都認同嘅作品。」近年一直為香港電影出力的Ken，希望終有一個角色能夠令觀眾印象深刻。Ken說：「雖然我唔可以打到七老八十，但都想未來二、三十年有代表作可以畀到觀眾，繼續發掘自己。」
而問到行內最欣賞的武打明星，Ken二話不說即提錢嘉樂：「佢係一個好全面嘅藝人，由一名公認好好嘅武師，到演員、綜藝主持、武指、特技飛車，開演唱會，我唔敢包可唔可以做到佢咁，但會以佢為目標。」
文：專案組