歌手朱紫嬈（Khloe）八月底首次演音樂舞台劇，更與眾唱家班前輩合作，Khloe雖然有壓力，但因為有魯芬在，所以感到放鬆：「魯芬ＢＢ好識得帶動氣氛，好記得我第一次同佢合作係拍水上遊戲節目，佢着住裙仔泳衣擺啲好Cutie嘅動作，嗰下我就鍾意咗佢。」
Khloe透露在舞台劇中飾演六十年代的舞廳歌女：「角色需要我唱好多六十年代嘅歌，好似《不了情》呢啲，依家要開始記歌詞。」她直言六十年代的流行曲很好聽，但很難唱，現在每天不停Loop歌令自己記熟Melody。
