郭晉安豬籠入水鬧吓唔拘
郭晉安（安仔）、吳卓羲、田蕊妮等前晚宴請《忠奸人》演員，眾人對收視都很滿意，而安仔坦言劇中一角為他增添不少登台機會，進帳不少，更指不少大陸觀眾看得肉緊，於微博鬧他，問有否信心奪視帝？他笑言：「唔會喇！」
前晚無綫劇集《忠奸人》慰勞宴，由安仔、田蕊妮（阿田）、卓羲負責「請客」，安仔開心表示近期憑此劇的傷殘奸律師一角在大陸人氣急升，更指大陸的觀眾看得很投入，經常於微博鬧他，安仔謂：「有人鬧我，但有啲人就好同情我，好極端，啲反應都幾得意。」安仔又指最近都多了不少登台機會，收入加埋都幾和味！（幾多位數字？）未計，我都未知。」而安仔亦對收視充滿期望，笑言希望公司「識做」宴請幕後工作人員食飯，問到會否除衫賀高收視？他笑說：「等我練大隻啲先！（有信心奪視帝？）唔會喇！年底仲有好多好劇，就算《老表》都有其他演員比我更突出。」
田蕊妮寧捐錢拒淋冰水
而阿田被問到對此劇大結局的收視期望時，她謂：「40點得唔得？其實最開心係口碑好，過35已經好開心！」對於近期全球興起淋冰水籌款，問阿田會否穿泳衣淋冰水賀高收視？她表示會接受挑戰，但只是捐錢，不會淋冰水，因為很多地方連乾淨食水都沒有，甚至有旱災，所以不想浪費食水。有人提議穿泳衣？她即謂：「條橋都唔新，而且我着泳衣對觀眾都唔係獎勵啦，不如我說服郭晉安、吳卓羲，如果結局有35點，我哋中午12點着住羽絨去尖沙咀廣東道行一個圈，咁先夠誠意！」
而李亞男亦表示計劃參與淋冰水：「如果結局收視30點就淋一次，32點就淋兩次，我會叫埋好姊妹楊秀惠、王君馨、陳美詩，一齊好玩啲。（着泳衣淋？）泳衣打底，好似G.E.M.咁！」而前晚一集中，有李亞男遭李子雄激吻的場口。
文：影視組