Rosemary搵番阿媽：唔係嬲我！
名模Rosemary與Jessica C.（JC）出席活動，二人即場示範揮拳及起飛腳，成功炒熱氣氛。對於早前有傳母親Julie不滿Rosemary結婚，並拒絕聯絡一事，Rosemary澄清母親因患病才不敢與她聯絡，絕非交惡。
名模Rosemary與JC昨日出席格鬥比賽的記招，前者熱褲露腿，後者吊帶低胸，兩人又醒目地即場示範揮拳及起飛腳，為活動增加不少聲勢。
Julie抱恙靜養
對於早前與母親Julie失去了聯絡，Rosemary透露母親已主動以電話聯絡，她說：「搵番佢，非常開心，其實係佢身體唔好，唔想畀我知，但我哋係一家人要互相關心。（仲有冇嬲你？）唔係嬲我，佢身邊朋友見到報道都有通知佢，佢話只係想靜吓，我有叫佢以後唔可以咁。」及後指母親因患病，身體狀態未能搭飛機，只怕出席不到她在外地舉行的婚禮派對。
問到可有留意柯震東與房祖名在北京涉毒被捕一事？曾是過來人的她，表示不相信是事實：「我自己都有經歷，好多報道都太快，未有真實證據，當中有誤導成分。」
JC鍾情肌肉男
而JC自爆曾學習拳擊訓練，希望與眾猛男睇齊，問到可特別鍾情於肌肉男，她興奮表示：「自己好鍾意，男朋友都好大隻，有時畀佢撞到彈開添。」
另外，JC曾與房祖名在台灣拍電影而結為好友，她指對方是個好人：「事件可以做一個反面教材，但人唔應該從一次錯誤作出批判，佢係一個好堅強嘅人。相信佢唔會將唔好嘅嘢，帶畀佢身邊嘅朋友，同佢一齊嘅時候，佢只會令我笑。」
文：名人組