陳嘉佳考慮跳鋼管舞
藝人陳嘉佳（小寶）及何遠東昨日到電台宣傳《Sunday扮嘢王》，有份參演劇集《忠奸人》的兩人表示覺得好幸運：「一個係綜藝收視第一，另一個係劇本第一，遲啲有《老表你好hea！》就更加唔使擔心。」
問到《扮嘢王》反應熱烈，會否乘勝追擊再加集數？兩人直言雖然大家都好想加，但最大問題是沒有廠期，小寶又透露正為最後一集度橋：「好想試吓跳彈床同埋Pole dance，但彈床大家話危險，Pole dance就唔可以打底。」小寶又自爆，有集扮容祖兒《隆重登場》時本有個動作做不到，但在工作人員以月餅「鼓勵」之下成功完成舞步。