蘇玉華：過40點即結婚！

藝人蘇玉華（阿蘇）偕視帝黎耀祥（祥仔）出席無綫劇集《載得有情人》祝捷會，同劇主要演員洪永城（Tony）和唐詩詠亦有出席，眾人為31點收視慶祝，其中Tony更大玩cosplay，化身劇集中唐詩詠的其中一個造型「明日香」，非常搶鏡！

見到Tony搞鬼的造型，阿蘇透露是他早前訂下的承諾，Tony曾誇下海口揚言若劇集收視過30點就會化身「明日香」亮相，但問到阿蘇如何回饋觀眾時，她不諱言謂：「收視過40點就即刻結婚！」更直認男友已多次向她求婚。

眾人為劇集《載得有情人》有31點收視開香檳慶祝。

洪永城兌現承諾化身「明日香」，而唐詩詠就考慮晒事業線吸觀眾。

唐詩詠露事業線

對於劇集收視理想，祥仔絕不貪功認係「收視保證」，反而歸功於團隊組合出色。而相對之前外購劇集《西遊記》的收視成績更佳，祥仔坦認開心之餘，亦表現得非常大方，為《西遊記》美言幾句：「嗰個時段又好難，大家都知道『五窮六絕』，五、六月，娛樂事業都瀨瀨哋！因為考試呀，尤其是家庭觀眾就更難啦！」祥仔又寄望收視能繼續高收，吸引更多觀眾回流看電視。

同場的Tony和唐詩詠亦為谷收視再下一城，詩詠揚言過35點就再露事業線，而Tony則謂自己身體已沒有「露」的價值，所以選擇自彈自唱回饋觀眾。

文：影視組