懷有7個月身孕的女星陳爽昨晚穿上低胸花裙出席活動，明顯谷奶的她大騷事業線，更穿上三吋鬆糕鞋上陣。她說：「都係嚟到先着一陣，問准咗老公。仲有兩個月就生，係囝囝。好多嘢已經買好，朋友都有送畀我。（上圍升咗cup？）呢啲係正常女人天性。（着咁少布，唔怕冷親？）OK嘅。」另外，她自爆現正打理高級海味生意，並透露是老公的家族生意：「老爺同前輩都有傳授心得畀我，依家搞海味事業，得到好多圈中朋友支持，除咗生小朋友之外，最想專注事業。」
