佘詩曼美魔女貪靚
佘詩曼昨日騷長腿出席活動，獲小朋友送上心形咕o臣，並祝福她早日找到男朋友，逗得阿佘哈哈大笑，大會又以「美魔女」來形容她，阿佘事後笑指不介意，認為最緊要靚。
剛完成電影《衝上雲霄》香港部分的阿佘，透露下月初將到英國取景，預計逗留十多天，問會否有時間購物？阿佘謂：「有呀！但唔敢講預幾多錢，因為轉季嘛！（同古天樂演情侶可怕傳緋聞？）唔驚得咁多，盡情投入做好角色。（有冇親熱戲？）導演想完美啲，仲改緊。（有指張智霖原本同你有感情線，後因怕激親袁詠儀改配郭采潔？）冇，大家專業嘅，唔會囉，根本就唔係。」
談到林峯於內地宣傳時指香港演員不夠「墨水」，阿佘坦言接拍古裝劇確要對該時代有認識，她早前拍內地劇《建元風雲》也有讀有關忽必烈書籍，問到對歷史可有興趣？她笑謂：「職業囉！（睇得明？）冇辦法，盡量吸收啦！」