大舅余文樂：要錫我個妹
恭喜！余文樂榮升準大舅，前晚樂仔妹妹余文琪終答應拍拖多年的男友陳守健的求婚，有「3分神射手」之稱的陳守健在愛情上亦是「一擊即中」，在樂仔父母和全場觀眾的見證下抱得美人歸。向來低調處理家事的樂仔大方祝福，只求陳守健：「好好錫我個妹！」
藝人余文樂前晚與「巨聲幫」的胡鴻鈞、吳業坤、馮允謙現身修頓球場，巨聲三子代表「VR1」對戰籃球挑戰賽（中學組）冠軍隊，其後余文樂與「橫洲工業」登場，跟包括多位甲一球員劉子健、李偉倫等在內的「跨世代球星」對決，而樂仔的好友彭于晏亦有到場觀賽，最後橫洲工業在中國前NBA球星易建聯出手相助下獲勝。
大會頒獎時，樂仔與主持人突然「騎劫」舞台宣布：「今日我哋隊員陳守健要向我阿妹求婚呀！」橫洲工業的隊員馬上識做地齊齊舉起心心氣球和「Will You Marry Me？」紙牌為男主角陳守健造勢，陳守健即拿出鮮花在樂仔雙親面前向余文琪許下承諾，並唱出鄭伊健的《一生愛你一個》跪地求婚，余文琪冧爆答應，並即場一吻定情。求婚成功的陳守健快手地將Facebook封面轉為Kiss的相片，大晒恩愛。
易建聯越洋助勢
問到樂仔給妹妹的驚喜？他直言：「我係好後先知，早過今日啲啲。（好難向妹妹忍口？）唔難，但我一向都唔係好想屋企人上鏡，呢個係我唯一concern嘅嘢。」問到會否不想隊友公開求婚？樂仔稱無辦法，這是他們的事，會送上祝福，希望陳守健好好對自己妹妹。
講到好友易建聯和彭于晏現身支持，樂仔說：「阿聯喺LA返嚟，集訓緊嚟幫手，我好怕佢受傷。」問到有指樂仔將組合Super Girls介紹給郭富城，樂仔笑言：「我淨係識Heidi，係朋友嘅朋友，大家都辛苦，要搵啲嘢寫吓。」
文：音樂組