許亦妮冧羅霖 頭號女神

前港姐許亦妮前晚低胸出席防禦宿醉飲品「NOHO NO HangOver發布會」活動，同場還有前亞姐羅霖及歌手關楚耀即場示範調酒。許亦妮自爆身邊男性朋友最愛跟她出外夜蒲，因為她是個「雷達」：「我好鍾意睇靚嘅女仔，比男仔仲敏感，有時甚至會行埋去同個女仔講佢好靚添！（有同性戀傾向？）冇，只係鍾意欣賞靚嘅女仔，反而男仔我唔識睇。」她又大讚同場的羅霖很漂亮，是自己頭號女神：「我覺得佢靚得嚟又堅強同高貴，我之前都見過佢都有讚佢靚，佢係我No.1女神！」

此外，提到早前被拍得「漏M」事件，她自言感到不開心：「好尷尬，始終呢啲係女仔私人嘢，其實我平時都好小心，所以嗰日都幾突然，仲畀阿Bob（林盛斌）講笑問我係咪大解完？我不時都成日笑佢，不過我唔夠佢個腦轉得咁快。」

與關楚耀出席活動的羅霖，未知是否改了髮型關係，又再「變臉」。

陳嘉容笑言喝酒會淺嘗即止。

對關楚耀有親切感

而羅霖得知成為許亦妮的女神就大表感謝，並稱讚對方同樣美麗。她又透露自己8月24日生日，問到有甚麼生日願望？她笑說：「最緊要三個仔聽話，自己覺得開心最緊要，（識番個男人？）感情事隨緣啦！」她謂長子將到英國升讀大學，她會陪伴飛英視察，學費就由她跟前夫劉坤銘共同支付，所以更加要努力賺學費錢。

此外，她跟關楚耀即場示範調酒，自言跟對方完成電影拍攝後，已有大半年沒見面，但每次碰面都很有親切感。她又謂自己不勝酒力，但現時做了酒的代理，故也要開始訓練喝酒呢！

文：名人組