糖妹（黃山怡）昨日出席電台活動，見到現場大班小朋友的糖妹即母愛氾濫，她笑言：「佢哋好得意，應該都當我係小學生，我都想快啲生番個，最好就係人哋生完畀我玩！」
近期勤於做運動的她又指有小成果：「都有啲腹肌，如果練埋嗰兩條人魚線都唔介意騷吓。」她又指早前到台灣拍旅遊節目和錄歌，但依然未有鬆懈狂做運動：「就算去酒店都會做gym，順便睇吓有冇靚仔，點知一個人都冇。」
