林慧倩索腿誘影帝

林慧倩（Giselle）參選2011年度香港小姐後，對自己的身材開始鬆懈，這三年間暴脹近20磅，三個月前更經歷「一生中最重」，她說：「可能開始多嘢做就冇去做咁多運動，搞到脂肪積聚，重災區係大髀位。」

Giselle最近計劃進軍內地影壇及司儀界，所以要重拾好身材，她近日首次試用儀器瘦身，略見成果後即穿噴血三點式晒身材，她說：「依家體重未有反彈，最見效係大髀，瘦咗四厘米，下個目標係想瘦埋啲鬼祟肉位，即係手臂位。」

王寶強（左）和徐崢都是林慧倩的偶像。（資料圖片）

林慧倩與朱晨麗和許亦妮是同屆港姐。

期望升Cup

除了瘦身，Giselle又想透過儀器「升Cup」：「聽講可以升到一至半個Cup，我細個唔係好早戴Bra，搞到有啲奇怪脂肪走咗去背脊、手臂下面，想將脂肪集中番喺胸度。」

談到性感底線，Giselle說是穿比堅尼，因未有信心全裸，而Giselle最恨與兩大內地影帝徐崢與王寶強合作，問會否願意穿三點式與兩人演對手戲？Giselle笑說：「佢哋唔怕醜、唔尷尬就得，驚佢哋覺得我太肥咋。」

文：音樂組

場地：Inzpire Beauty

服裝：Papeete