曹永廉（抓）老友開餐廳

藝人曹永廉日前在觀塘自家茶餐廳接受訪問，他大爆上年與哥哥及友人夾份投資七位數字，開設港式茶餐廳。他又自認「吸客計仔王」：「我會成日諗新菜式，例如整士多啤梨骨同芝麻脆炸雞翼去吸引小朋友。（回本未？）未，不過收入穩定。」他稱「心郁郁」密謀與好友如蕭正楠等「齊腳」開分店：「我夠膽搞（分店）o架！同佢哋討論過，邊個有好路數就搞。（齊腳夾錢開分店？）錢佢哋不嬲有啦！」