陳凱琳 蔡思貝躍進姊妹情

港姐陳凱琳、蔡思貝月尾便正式卸任，將在台下看決賽的她們，都非常不捨得，回想這過去一年，陳凱琳坦言起初很迷惘，不知當選後要做甚麼：「好多人話梗係快啲拍劇啦，一年之後拍過劇、做過主持，自己覺得最緊要做好面前每一樣工作，已經覺得好開心。」

認真到調皮

好姊妹蔡思貝亦覺得陳凱琳過去一年改變很大，她說：「你一向做嘢都好認真，唔會畀自己鬆懈，但係一年之後覺得你比以前冇咁認真，可以見到你調皮一面，可能已經適應咗環境。」陳凱琳笑言可能與蔡思貝的性格混合了，因為思貝喜歡搞笑、鍾意玩，思貝說：「可能係個人愈放鬆，表現出嚟就會愈好，其實入行後，好多喺身邊發生嘅嘢都好得意，試過搭地鐵啲人唔敢企埋嚟，只係眼睩睩咁望住我，感覺都幾趣怪！」

陳凱琳（左）與蔡思貝經得起是非的洗禮。	陳凱琳直言過去一年變化不少。	蔡思貝性格喜歡搞笑。

謙卑學到嘢

現時她倆分別忙於拍劇，蔡思貝會珍惜機會，因每一項工作都會有得着，陳凱琳則得到父母的鼓勵：「媽咪、爹哋同我講冇嘢係有十足把握，叫我抱住學習心態去做就得，唔識就問前輩，人哋一定會教你，反而你覺得乜都識就未必做得好，我覺得做呢行最緊要抱住謙卑心。」

之前不少報道將二人比較，對此，蔡思貝說：「好似邊個拍劇先，邊個戲份重都有人做比較，但係呢啲報道反而增進咗我哋嘅感情，相處得更坦白。」

文：影視組

攝：張福宏

服裝：Rue Madame

場地：Amaroni's（Hysan Place）