Toby衰多口 淆底喊晒

真人騷《沒女大翻身》近日熱播，其中「沒女」公主癌Toby的故事雖然前日已播畢，與老公、兒子和老爺奶奶可謂大團圓結局，但現實中的「鬧劇」卻是剛開始，因Toby早前出席電台訪問，表示有某導師約她們一班「沒女」唱K，竟有傳媒偷拍，覺得被人利用造新聞。有關報道見街後，身為節目導師的Eva（劉綺華），即在社交網站發聲明澄清，並指Toby言論失實及有誹謗之嫌，考慮採取法律行動。

冇錢打官司

擔心惹官非的Toby昨日與另外兩位沒女「大懶蟲」阿怡和「失戀天后」Cat出席新城訪問，Toby老公和兒子都有現身。起初Toby未有異樣，但當Toby老公提到導師Eva的聲明一事令Toby大受困擾，其夫指Toby當時只是講出個人感受，亦沒有開名，不應對號入座，抱着兒子的Toby即忍不住落淚說：「乜香港唔係有言論自由咩？發表吓個人意見都唔得。」

幾位沒女昨日到電台接受訪問。

Eva認為Toby言論失實加誹謗，在社交網站發聲明澄清，兼向Toby發律師信。

Toby坦言擔心收律師信：「我哋啲升斗市民邊有錢打官司。」更謂其他導師和一班沒女都有幫她求情，亦有和Eva解釋，但都不獲接受。講到Eva若要她公開道歉？Toby卻說：「我冇錯喎，我講咗少少嘢就要公開道歉？我以為生活喺文明社會，我講自己感受，唔係針對任何人。」

道歉兼澄清

對於Toby淚灑電台，昨日聯絡導師Eva時，她承認因Toby言論出律師信，當日唱K只得她一位導師，律師認為已構成誹謗成分，對她聲譽受損：「如果佢公開澄清道歉，我就收番封律師信囉。」Eva指懷疑之前因服飾問題話了Toby兩句，令對方因而懷恨在心。

文：音樂組