溫碧霞助童延續愛

溫碧霞即席學做手語「我愛你」。

女星溫碧霞（Irene）早前推出個人慈善影集為內地弱視兒童籌款，而影集會在香港及內地的慈善活動上推廣，目標籌到最少一百萬。影集推出後，她又馬不停蹄做慈善工作，日前她到香港聾人協進會探訪一班聾童，送上玩具及畫畫文具，與小朋友玩得樂也融融，小朋友更教Irene手語「我愛你」，令Irene冧爆。

小時經歷窮困

Irene透露玩具當中有5歲囝囝Xavier捐出的毛公仔，她說：「我哋幸福，要教育好下一代去幫人，初時佢都唔捨得，但我話有聾嘅小朋友因為窮買唔起玩具，咁佢就明白。」去年母親過身後，Irene對親情有更大體會，回想自己童年艱苦的經歷，現在有能力想去幫更多有需要的人，Irene說：「細個住調景嶺有山有河，爸爸因為打仗而到香港，冇家人，要自己重新建立，自己起石屋，而且婚後有八兄弟姊妹，我最細所以生活都艱苦，我都窮過，所以明白。」

溫碧霞大派禮物氹小朋友。

溫碧霞從小教囝囝Xavier施比受更有福。

談到影集，Irene表示到希臘取景的小白屋，令她回想起童年的石屋。她透露曾在雲南拍戲時見到有班小朋友日日來看她們拍戲：「見到條路好崎嶇，原來因為佢哋冇書讀，就行幾個鐘路嚟睇拍戲，感覺係佢哋好單純，嗰次好難忘。」

文：名人組