周曉彤賽車女郎夢碎
獲選為今屆Formula E電能方程式女郎的組合MVG成員周曉彤（Ivy），本月飛到英國進行受訓，不過只在當地受訓三日的她，期間自覺被歧視，最後更以「不適合」為理由被「炒魷魚」。
組合MVG成員周曉彤（Ivy）早前獲選為今屆Formula E電能方程式女郎，本月到英國受訓的Ivy，怎料只是去了三日，便遭到「炒魷魚」，因主辦單位覺得她並不適合，她說：「原本要轉地方受訓，點知佢叫我唔使再去，話我唔係咁適合同埋要cut budget。我特登為接呢個Job，推晒其他工作，搞到依家失晒預算。」
生活習慣唔同
另外，她又指受訓期間自覺遭到歧視：「可能只係得我一個華人，大家生活習慣唔同，例如我平時用短訊錄音講嘢，佢哋會話我做乜咁奇怪唔打字。仲試過有一次我已經落妝着睡衣準備瞓，點知個導師叫我去大堂傾偈，原來係落Bar飲嘢，仲畀佢笑我着得咁肉酸。」
冇工開失預算
而早前患上抑鬱症的Ivy，因自覺被歧視及工作大失預算，故心情非常低落，她說：「喺嗰邊得我一個華人，冇人幫我。我又為咗做方程式女郎，推晒工作，依家無工開真係唔知點算，好驚令生活都搞唔掂。」
文：專案組