萬綺雯為慈善起跑
藝人萬綺雯（蚊蚊）、關楚耀（Kelvin）及林建明（明姐）昨以愛心大使身份，現身慈善跑活動。期間蚊蚊表示正為11月舉行的慈善跑而積極操fit：「會挑戰跑3公里（老公都參加？）唔會，佢好低調，佢負責捐錢，我負責跑。（練跑？）依家會好好照顧身體，明姐頭先都約我去游水。」蚊蚊又自爆膝蓋有舊患，故會小心避免勞損。談到她與李思捷疑雨下激咀的報道，蚊蚊強調不會避見李思捷：「我老公冇過問，佢仲笑緊篇報道！」
至於已連任大使的Kelvin卻自爆上年慈善跑「甩底」：「我當日突然有工作要離港，真係唔好意思。所以今年報番！依家一星期都會跑兩至三日，出汗減壓！」問他有何壓力？他自爆將出發廣東省參加內地歌唱比賽，故要努力練歌。