伍姑娘長肥肉冧老公
藝人伍詠薇（伍姑娘）與著名形象指導郭慶彬昨日出席施華洛世奇舉行的分享會，與現場人士分享秋冬飾品配搭潮流。伍姑娘對於被指發福，她認為健康最重要：「到我呢個年紀最緊要係健康，肥少少又唔會死。（老公鍾意你肥定瘦？）我點樣佢都鍾意，男人鍾意身邊嘅女人有啲肉地。」
她又透露將為歌手Joe Junior的演唱會擔任嘉賓獻唱英文歌：「我哋識咗好多年，當年佢聽到我唱英文歌，覺得好好聽，佢之前搵過我幾次做表演嘉賓，但我對自己冇信心，所以推咗。我依家努力練歌同練英文發音。」又興奮表示明年會演出首個舞台劇。