周秀娜執二攤 一個頂兩個

「宅男女神」周秀娜昨日穿上大露背裝，出席「3家居寛頻與Letv樂視攜手走進4K寛頻娛樂新世代」記者會。對於活動嘉賓原本為藝人黎耀祥和蘇玉華，周秀娜坦言是活動前一晚才臨時收到通知獲邀出席活動：「其實我同主辦機構合作過，所以邀請我嚟都好開心，酬勞都好好。（臨時獲邀酬勞更好？）之前合作過，叫到梗係過嚟啦。（知道原先係黎耀祥和蘇玉華？）同事有大概同我講過，實在太趕。（被指執二灘？）唔介意，工作啫。（與視帝睇齊？）我又冇咁諗，但如果之後工作一個人頂到兩個人都幾好。（兩份錢？）哈哈，要問公司同事。」

接特別通告未能出席

事後記者聯絡上蘇玉華，她表示與黎耀祥要拍攝節目而未能出席，問到有否收到酬勞，她說：「我都想唔做嘢就有錢收。」而電訊公司企業及巿場傳訊總監何先生則表示黎耀祥收到「特別通告」而未能出席。

黎耀祥與蘇玉華因有工作未能出席活動。（資料圖片）

周秀娜被臨時拉伕出席，笑言不介意執二攤。

搵金秀賢除疤去皺紋

現場，周秀娜被現露背裝下玉背留有疤痕，她表示早前拍電影《爆3俏嬌娃》時吊威吔受傷所致，由於已走進超高清年代，故會考慮激光除疤。另外，周秀娜談到亦有追韓劇的習慣，問誰是她心目中的男神？她說：「全智賢......對唔住，係佢對手金秀賢。點解我講全智賢因我覺得佢做戲全自然嘅。金秀賢我都好鍾意。（理想男友類型？）都幾難搵到有咁多才多藝，仲要係外星人。如果係我會問佢點去除我啲疤痕和皺紋。」

文：影視組