伊健避雨 等保母車接

鄭伊健前日和助手於中環出現,兩人步出大廈時保母車剛被驅趕離開,伊健見狀加上落雨,即行埋一邊避雨,當助手向他通水指有記者在場時,伊健便折返大廈內等待,直至保母車再駛至,他才出來急步上車閃人。

此外,伊健接受電台訪問時,提到與周秀娜合作電影,他說:「初時同佢對稿都有隔膜,但因為有次佢遲到,我咪同副導演開玩笑話佢遲到囉,之後大家就熟啲,佢連排戲都黐晒假眼睫毛同戴大眼仔,其實佢唔化妝仲靚。」