盧頌之操馬甲線 孖男友King影寫真
有「翻版阿嬌」之稱的盧頌之（DaDa），數年前跟「翻版阿Sa」裴殷（A. Lin）組成「翻版Twins」，並推出水着寫真，俘虜一班宅男心。已有數年沒有推出寫真的DaDa，笑言最想操出馬甲線，再跟男模男友趙勁皓（King）一同推出男女寫真，搞另類噱頭！
o靚模盧頌之（DaDa）當年以八模身份推出寫真，成員還包括蔡穎恩（Evelyn）及陳嘉寶（Anjaylia）等，各人現在各自發展。DaDa近年除偶爾拍電影外，還跟朋友合作搞網上生意，主要賣潮tee。今年25歲的DaDa一直走健康路線，過往寫真都是賣健康性感，問她現在還有沒有興趣出寫真？與男模男友趙勁皓King打得火熱的她即甜笑說：「我想同King一齊出，因為咁耐都未試過有男女一齊出寫真，我覺得會幾好睇呀，而且男女都可以一齊睇！」
狂讚另一半踏實
DaDa透露當健身教練的男友King，今年也會推出寫真，現時正努力找男友當私人健身教練，她說：「我食肥咗，依家又夏天，都要努力keep番，最想操番條馬甲線。」
DaDa表示現在戲少人多，未必經常有機會拍戲，幸好有男友King鼓勵，令她有動力多作其他嘗試，她續說：「King個人好踏實，而且好上進，所以我都想做多啲嘢，增值自己！」DaDa說自己總是欠一點運氣，因此幕前成績還未見理想：「我好黑仔，明明傾好晒一啲嘢，到最後總會有阻滯做唔成，有相士話我要行結婚運，結咗婚就會好，但我暫時又未有呢個計劃，（視King為結婚對象？）都係嘅，哈哈！」
攝影：黎志輝
文：名人組