趙碩之戀波牛 吊高嚟啜

Wylie任Landon在纜車中吻臉，親密關係不言而喻。

趙碩之（Wylie）昨日在網上公開與男友合照，並有在纜車中的吻臉照，她po文說：「出道以來不曾在香港公眾場合拍拖，可以睇開啲，其實還是自己有得着，感動！不過這個post好曬，大家小心眼睛。」令不少宅男夢碎！記者向Wylie求證，她甜絲絲說：「早兩日畀人撞見我哋拍拖，所以一口氣公開埋。以前唔敢公開，因為擔心狗仔隊同畀人影到，依家大方公開咗，反而覺得釋懷，好感動。（結婚對象？）未有咁急，如果有開心嘢會同大家分享。」

平時用英文溝通

據知，相中男主角正是有「球壇唱作人」之稱的加拿大籍華人林家亮（Landon Lloyd Ling），是現役太陽飛馬隊的外援球員，曾效力傑志及南區等球隊。身兼音樂創作人的Landon，曾在舞台劇《風之后》中負責音樂創作，亦因此與身為女主角的Wylie結緣。問Wylie是否因合作撻着？她說：「識咗兩年，只係拍咗幾個月，我哋都好鍾意運動，男友鍾意音樂，我就鍾意演戲，覺得大家好夾。我哋平時用英文溝通，好彩我英文水平OK，唔想透露太多男友嘅嘢，因為佢份人比較低調。」

兩人正熱戀中，笑容特別甜。

Wylie正準備大展拳腳，竟突然高調晒愛。（資料圖片）

不過Wylie口中的低調男友，原來曾參選2011年亞生，在活動中穿上性感三角褲騷肌及搶眼紋身的Landon，更有「甲組九紋龍」之稱，屬當年亞生的高質選手之一。

文：影視組