高Ling睇《沒女》落淚想抱殺人琼
無綫真人騷節目《沒女大翻身》前晚首播，七位「沒女」現身後有不少迴響，網上不少反應，而藝人當中，高海寧（高Ling）表示看到於果欄工作的「沒女」琼姐遭遇時不禁落淚。
高Ling昨日接受訪問時，坦言自己的母親在女人街工作，好明白一個女人於環境、生活壓迫下要堅強面對生活的一面，她說：「我媽咪都要用啲鐵車推貨，都係勞動，我睇到琼姐（殺人琼）時覺得佢好慘，不過佢為生活拚搏，我好尊敬佢，佢話想得到家人一個擁抱，如果可以我都想親身畀一個擁抱佢。」
「翠楠」感心酸
而於微博指節目「爆」的蕭正楠亦謂：「我覺得呢班女人好有勇氣，我最留意阿銀，因為都想睇內地人點睇番我哋香港人。」至於黃翠如則為琼姐肉緊，坦言看時很心酸，她說：「佢喺節目中話想畀人錫，畀人覺得佢似女人，真係好心酸、感動。」
而前晚被導師當場踢爆Meggie將六十多歲母親買給她的樓按了，更借高利貸要其母代還錢，不是如她所言用錢去讀書，據知Meggie拿了那些錢去追星及買心頭愛，之後，導師會替她樣貌及精神大改造，Meggie失控爆喊，將一生人的不滿宣洩。
文：影視組