張敬軒加場 搵影帝后一齊唱
張敬軒轉投英皇後首個個人演唱會將在十月假紅館演出，昨日記者會上更即場公布加場的喜訊，表明今次以歌會友的軒仔揚言自己太多好歌，呼籲樂迷們要準時入場，而且透露屆時會邀請影帝影后級嘉賓現身。
事隔四年多將在十月廿四、廿五日再踏紅館舞台演出《LIVE IN PASSION HINS張敬軒演唱會2014》的張敬軒，昨日假尖沙咀舉行演唱會記招，並同時宣布再加開廿六日一場。以一身藍白格仔西裝亮相的軒仔，獲唱片公司高層吳雨送上留聲機以示支持，同時台上又即場用錘打爛燈膽儀式，寓意軒仔Fit到爆燈。
公開分享感情事
軒仔表示今次演唱會希望以歌會友，他說：「因為我實在有太多歌，而且少請嘉賓，所以想盡量唱多啲歌。」同時呼籲樂迷們準時入場，他明言：「我肯定八點三準時開場。」至於表演嘉賓，軒仔稱仍在邀請中，但透露會屬影帝影后級數。除了大唱金曲外，軒仔又稱會和觀眾分享這幾年來的心路歷程，他說：「有工作、生活同感情，都會同大家分享。」
望購回歌曲版權
同時軒仔又表示今次演唱會不會推出任何影音產品，他說：「因為版權問題，我都要同公司商量，想買番以前自己創作嘅歌曲版權，好似《My Way》咁，因為以前唔識而且等錢使，就用咗個好平價錢賣咗畀間細公司，所以而家希望想買番晒。」
文：音樂組