藍奕邦食消炎藥開騷好high
歌手藍奕邦（邦邦）前晚舉行音樂會，與嘉賓吳雨霏（Kary）合唱《今夜煙花燦爛》，去年Kary唱此歌時撞正同余文樂情變，令人聯想同樂仔有關，邦邦在台上澄清：「好多人以為首歌係你嘅古仔，其實係我嘅。」Kary即表示：「做乜一年後先講？」
完騷後，邦邦對於自己有少少走音大感自責，他說：「頸椎嘅神經線發炎，一上高音就扯住。」他又大呻食消炎藥食到個人好迷幻：「醫生要我早晚各食一粒，但早上食好影響工作，所以夜晚一次過食，成個人勁迷幻。」
至於Kary就表示早前到蒙古做義工探訪孤兒，講到最難忘的經歷，她說：「第一次五日冇沖涼，去廁所就咁喺地下個窿解決。」