梁政珏返無綫照肺賠錢補鑊
無綫藝人梁政珏失場《梟雄》一劇，之後她聲稱由歐洲返港時在機場被扒手搶手袋，連帶護照一同遺失，奔波三日才成功返港，無奈因趕不及返港拍攝而遭易角。昨日她返公司「照肺」，並向高層樂易玲解畫，交出「證據」，她坦言沒想到花了足以買一架車的價錢買機票，結果卻事與願違，還分分鐘要向無綫賠償損失！
梁政珏早前偕同男友及家人到歐洲出席妹妹畢業禮，期間因新劇《梟雄》要拍攝一場大場面而自掏腰包改機票提早返港，沒料於英國機場等上機之際，被一名扒手搶了載有護照的手袋，最終未能如期回港向劇組報到，角色已改由沈卓盈取代。
「罵我大頭蝦」
昨午梁政珏被召返無綫會見高層解畫，約一小時後獨自離開，透露已把事件始末向高層樂易玲交代，問到有否被罵？她謂：「佢話我大頭蝦，都好體諒，今次係意外，其實我都三失o架！冇咗個job，冇埋護照，仲要補錢買機票，（幾多錢？）唔想講，總之足夠買架車啦！仲折騰咗3日先返到嚟，依家搞到少少發燒。」
證明非大話精
對於奔波幾日最終得個吉，角色亦被易角，梁政珏也大感可惜。問到無綫如何懲罰她？梁政珏說：「要拎番報失紙、新登機證、買機票單據畀公司睇，證明我冇講大話，因為今次事件畀人覺得我掛住拍拖唔做嘢，其實唔係囉，（有冇需要賠錢？）如果填唔到個騷就要賠錢囉！希望冇事啦！」
文：影視組