杜德偉操「股巨肌」子華也嗒糖
歌手杜德偉（Alex）昨日為8月16及17日在紅館舉行的「杜德偉極杜世界巡迴演唱會」綵排。最近勤於操弗的Alex，兩頰明顯「凹咗」，他表示：「多謝我大佬幫我操啲輪廓，面瘦咗，但身脹咗，不過操完後我嘅肩頸舊患好番晒！」
君如入場睇
Alex又即場播出黃子華私下send給他的打氣錄音，子華抵死大讚Alex「美股」，笑言想照住其股形去整容，Alex聽完錄音後亦大玩食字gag，笑指：「好多人練胸肌難，其實練『股巨肌』先係最強！（請子華做演唱會嘉賓？）佢年尾開騷，依家要閉關呀！（咁舊愛吳君如呢？）佢會嚟睇，但其他嘉賓就要保持神秘。」
老婆背後撐
至於老婆可會上台表演？Alex冧爆話：「佢又唔係袁詠儀，唔做幕前，做我背後嘅女人得喇。」提到台灣高雄日前發生氣管爆炸，曾經在台灣發展的Alex就話：「我啲朋友多數遠離高雄，好彩佢哋冇事，但真係好唔開心。」
文：音樂組